Entertainment Nay wa Mitego kaamua kusimulia alivyofumania na kunyang’anya mtoto kwa mpenzi wake.. (+Audio)

https://my.notjustok.com/track/62949/nay-wa-mitego-kisa-cha-mtoto-wake-leo-tenaHabari News Tanzania

Uchaguzi wa Zanzibar kurudiwa Machi

Tume ya Uchaguzi Zanzibar (ZEC) imetangaza tarehe ya marudio ya uchaguzi visiwani humo baada ya matokeo ya uchaguzi uliopita kufutwa.

Uchaguzi huo sasa utafanyika Jumapili tarehe 20 Machi.
Tangazo hilo limefanywa na mwenyekiti wa ZEC Jecha Salim Jecha.
Bw Jecha amesema tarehe hiyo iliamuliwa na tume baada ya mkutano hapo jana.
"Uchaguzi huo utahusisha uchaguzi wa Rais, wajumbe wa Baraza la Wawakilishi na Madiwani na hakutakuwa na uteuzi mpya wa wagombea wala mikutano ya kampeni," amesema Bw Jecha.
"Wagombea wote walioteuliwa hapo awali wataendelea kuwa wagombea katika uchaguzi huu."

Mahakama ya ICC yatathmini kesi ya Ongwen

Will Smith kususia tuzo za Oscars

Msanii wa Filamu Will Smith amethibitisha kwamba ataungana na mkewe, Jada Pinkett Smith, katika kususia tuzo la Oscars mwezi ujao.

Msanii huyo anayetambuliwa kwa filamu yake ya ''The Men in Black'' amesema itakua "vigumu" kuhudhuria wakati kujna mzozo kuhusu ukosefu wa uwakilishi wa watu wa tambaka mbali mbali katika uteuzi wa tuzo hilo mwaka huu.
" Hatujihisi vizuri kusimama huko na kusema hii ni sawa,"alimueleza mtangazaji wa kipindi cha Good Morning America Robin Roberts.

Msanii wa vichekesho Chris Rock anakabiliwana miito ya kumtaka ajiondoe kwenye kazi aliyopewa kama mwongozaji wa taratibu za tuzo la Oscas mwaka huu, huku mzozo huo ukiendelea.
Katika mahojiano yaliyotangazwa Alhamisi Smith alisema uteuzi wa mwaka huu ulizingatia "wamarekani wenye mamlaka" na kwa hilo , "kwa kiwango kikubwa , Hollywood iliunda sura ya kufikirika ya uzuru".
Alipoangalia orodha nzima iliyojaa wazungu pekee walioteuliwa kuwania ushindi wa Oscars, aliendelea kusema, "haikuonyesha dhahiri uzuri huo ."

Kuku akwapua pesa ya kikundi (VICOBA) kwa njia ya kishirikina

Kama inavyoripotiwa na gazeti la Mtanzania Daima: Wanakikundi wa kikundi cha kuweka na kukopa maalufu kama VICOBA kijulikanacho kwa jina la Mwijangasyege kilichopo kata ya Isange wilayani Rungwe mkoani Mbeya , wameingia kwenye hali ya sintofahamu baada ya pesa zao kukwapuliwa na kuku kwa njiia ya kishirikina.

Wakiongea na kituo hiki kwa masikitiko makubwa , walisema tukio hilo la kusikitisha lilitokea wakati wa mahesabu ya fedha hizo, ambapo kufumba na kufumbua alitokea kuku mweupe na kudonoa fedha kiasi cha shilingi laki nne na thelathini na kisha kutokomea kusikojulikana.

Hamu kitaje mmoja wa wanakikundi , alisema wanashindwa kuelewa juu ya kilichokuwa nyuma ya kuku huyo ambaye alifika eneo la tukio kama mwewe na kukwapua pesa na kisha kutokomea nazo.

‘’Ilikuwa hali ya taharuki, majira ya saa kumi na moja jioni wakati tukiwa katika mahesabu ya fedha ambazo tulitaka kugawana lakini wakati tukiendelea na zoezi hilo kufumba na kufumbua alitokea kuku rangi nyeupe huku akiwa anarukaruka mithili ya mwewe akafika eneo la tukio na kutua pembeni huku akituangalia na kukodolea macho bulungutu la pesa, ambapo baada ya kumaliza kazi ya kuhesabu fedha zote tukaziweka kwenye ungo nandipo ghafla kukatokea hali kama ukungu hali iliyotufanya tusijue kinachoendelea na sekunde chache baadaye kupigwa butwaa baada ya kuona pesa hazipo ’’ Alisema kitaje.

Akifafanua kuhusu tukio hilo, Katibu wa kikundi hicho ,Basimenye silimmani ,alisema jumla ya pesa ilikuwa milioni mbili laki nne na tisini elfu, ambapo kati ya pesa hiyo, shilingi laki nne na thelathini ndizo zilizo kwapuliwa na kuku huyo na kupelekea sintofahamu miongoni mwao .

Aidha katibu huyo allisema mpaka sasa hawaelewi cha kufanya na badala yake wanaendelea kusuburi kitakachojili kwani wanamtegemea mungu kama ndie muweza wa yote,

‘’kama wanakikundi hatujaenda kokote kwa ajili ya kupata uvumbuzi na kujua kulikoni kuhusiana na kuku huyo na hivyo tunamwachia mungu mwenyewe’’ alisema silimmani,

Michigan Gov. Snyder on Flint: ‘Terrible decisions’ were made

Appearing live on MSNBC’s “Morning Joe,” Snyder said decision-makers at the state’s Department of Environmental Quality “were not being given the right information by the quote-unquote experts.”

“What is so frustrating and makes you so angry about this situation is you have a handful of quote-unquote experts that were career civil service people that made terrible decisions, in my view,” Snyder said.

The second-term governor blamed bureaucracy for the public health failure.

“That’s part of the problem here,” Snyder said. “We actually had outside experts raising the question that people in two of our departments didn’t see the issue. They actually came back and said, ‘We don’t agree with them. We believe we’re OK with respect to lead.’

“These are career civil servants. They had strong science, medical backgrounds in terms of their research. But as a practical matter, when you look at it today and you look at their conclusions, I wouldn’t call them experts anymore.”

For the last year and half, some children in Flint have tested positive for lead in their blood, but Snyder said it wasn’t until the end of September 2015 that he learned information about the safety of the water was inaccurate.
“There were major failures here,” the governor said. “And if you look at it, it was people being much too technical, not having the culture of asking the common-sense questions, and then the tone of how things were done. So there are a number of failures there that, these people, this was a terrible tragedy that these people worked for me, and that’s why it was important to accept responsibility. And my focus is on fixing this problem and I’ve been focused on that very diligently since last October.”

Anchor Mika Brzezinski asked the governor about a New York Times editorial that wonders if the Michigan state government would have responded more quickly if impoverished Flint were rich and mostly white.

“Is this a case of environmental racism?” asked Brzezinski, reading from the editorial.

“Absolutely not,” said Snyder, noting a number of public programs that his administration has pushed. “Flint is a place I’ve been devoted to helping.”

Earlier this week, Snyder released 274 pages of emails from 2014 and 2015 that show the debate over the blame for the contamination crisis. Snyder said he hoped turning over all his emails would offer some transparency about how the disaster evolved.

But the Detroit Free Press reports that a state legislator and former Flint City Council member allege Snyder has misled the public by not releasing all the emails about the water crisis, including one sent by the representative a year ago saying “the city of Flint stands on the precipice of civil unrest” over the lack of clean drinking water.

MISS Tanzania: Kamati ya kuratibu mashindano ya Miss Tanzania yatangaza kujitoa

Kamati ya kuratibu mashindano ya ulimbwende maarufu kama Miss Tanzania, inayoongozwa na Mwenyekiti wake Ndg. Juma Pinto imetangaza leo Jijini Dar, kuwa inajitoa kwenye zoezi la kuaanda shindano la Miss Tanzania.

Habari kamili inawajia..

Mchungaji akutwa akizini na binti wa kaka yake

Mchungaji wa kanisa la Evangelist Assemblies of God Tanzania (EAGT) katika kijiji cha Mgongoro kata ya Igunga mkoani Tabora, Abel Godfrey, amekamatwa na waumini wake baada ya kudaiwa kukutwa akifanya mapenzi na binti wa kaka yake.

Waumini hao wakishirikiana na uongozi wa serikali ya kijiji hicho, walifanya tukio hilo juzi saa 5:30 usiku akiwa na binti huyo Magreth Emmanuel (20) mwenye mtoto mchanga wa miezi minne.

Akizungumza kwa masikitiko babu wa binti huyo, Bictoni Kyarero, alisema mchungaji Godfrey, alikuwa na tabia hiyo kwa mwaka mmoja sasa, lakini tabia hiyo ilimchosha na kutoa taarifa kwa waumini wake pamoja na uongozi wa mtaa kisha kumuwekea mtego uliomnasa akiwa katika nyumba hiyo.

Amesema baada ya kumkamata alijaribu kukimbia lakini walifanikiwa kumdhibiti na kisha kukiri kufanya mapenzi na binti huyo huku akiwabembeleza waumini wake wamfichie siri.

Kwa upande wake binti huyo alipoulizwa kuhusu kufanya uzinzi na baba yake mdogo, alikiri huku akisema alitenda kosa hilo baada ya kutishwa na mchungaji huyo iwapo angekataa angemuombea kwa Mungu ili awe kichaa.

Akizungumzia tukio hilo, mchungaji huyo amekiri kutenda kosa hilo na kubainisha alifanya hivyo baada ya kuzidiwa ‘ujanja’ na shetani huku akitubu na kudai hatorudia tena kosa hilo.

Naye mtendaji wa kijiji hicho, Edward Kitenya, alisema mchungaji huyo walimkamata akiwa katika nyumba ya tembe wakiwa wamelala baada ya kutandika turubai chini wakiendelea kufanya mapenzi na binti huyo kisha kumweka chini ya ulinzi mpaka asubuhi na kupigishwa faini ya Sh. 20,000 na kuachiwa huru.

Kwa upande wao baadhi ya wananchi waliuomba uongozi wa kanisa hilo kumvua uongozi kwa kuwa amekiuka maadili ya uongozi na kufanya waumini kutomwamini tena kama kiongozi wa kiroho.

Mtendaji wa kata ya Igunga, Fredrick Masesa, amewaomba viongozi wa dini pamoja na wananchi kwa ujumla kuzingatia maandiko matakatifu ya mwenyezi Mungu ya kutofanya vitendo viovu ili wamtumikie kiusahihi.

Kwa upande wake mchungaji wa kanisa la kijiji cha Mwanzugi, Fanuel Daniel, alithibitisha kukamatwa kwa mchungaji wa kanisa la kijiji cha Mgongoro, Godfrey na kusema tayari wamemsimamisha kutoa huduma mchungaji huyo kwa muda usiojulikana mpaka uongozi utakapokutana wote kwa ujumla na kuongeza kuanzia sasa kanisa hilo la Mgongoro litaongozwa na Philipo Makeremo ambaye pia ni katibu wa kanisa.

Chanzo: EATV

Rais Magufuli leo ametangaza kumteua Rais Mstaafu Jakaya Kikwete kuwa Mkuu mpya wa Chuo Kikuu cha Dar es salaam.

Rais Magufuli leo ametangaza kumteua Rais Mstaafu Jakaya Kikwete kuwa Mkuu mpya wa Chuo Kikuu cha Dar es salaam.

Rais Mstaafu Kikwete anachukua nafasi iliyoachwa wazi na Balozi Furgence Kazaura (RIP) aliefariki mwaka jana.

Uteuzi umeanza Januari 1

7 mwaka huu

Tunataka Mgombea Binafsi

Habari News Tanzania
Waandishi wetu
SHINIKIZO la wananchi kutaka mgombea binafsi, limeanza kukilainisha Chama Cha Mapinduzi (CCM) baada ya kuwataka wanachama wake kujiandaa kisaikolojia kwa kukabaliana na wagombea hao katika Uchaguzi Mkuu wa 2015.

Kwa muda mrefu kumekuwa na shinikizo kutoka kwa watu wa kada mbalimbali, wakiwemo wanaharakati na wanasheria wanaotaka kuwepo kwa mgombea binafsi jambo ambalo pia kiliwahi kupigiwa debe na Baba wa Taifa, Mwalimu Julius Nyerere mnamo mwaka 1995.

Mwalimu aliwahi kusema: “Mimi nadhani sheria imekosea kuzuia wagombea binafsi. Hili jambo limekosewa ni la msingi. Ndiyo maana napenda kulisema ni la msingi, linahusu haki yangu na yako ya kupiga kura na kupigiwa kura. Hii ni haki ya uraia.”

Jana, katika kikao cha semina ya viongozi ya Wajumbe wa Halmashauri Kuu (Nec) ya CCM, Kamati iliyoundwa na chama hicho kuangalia jinsi kinavyoweza kuwasilisha maoni yake katika Tume ya Katiba, ilitaka wanachama kujiandaa kwa suala hilo.

Suala la mgombea binafsi limekuwa likipingwa na chama hicho kwa muda mrefu kwa hofu kuwa lingeweza kukiumiza pindi wanachama wake wanaposhindwa kura za maoni, kwani wangeweza kusimama binafsi na kushinda.

Lakini, kamati hiyo ambayo iliongozwa na Mjumbe wa Kamati Kuu (CC), Abdulrahman Kinana, jana ilitoa mapendekezo mbalimbali ikiwamo muundo wa Muungano huku ikiwataka wanaCCM kujiandaa kukabiliana na mgombea huyo binafsi.

Chanzo chetu ndani ya kikao hicho, kilisema miongoni mwa mapendekezo hayo ni Serikali tatu; Shirikisho, Tanganyika na Zanzibar. Pia, kuna pendekezo la Serikali mbili, huku ikitoa manufaa na athari za kila pendekezo.

Mapendekezo mengine ni pamoja na muundo wa Bunge na upatikanaji wa wabunge, ikipendekeza kuwapo kwa mabunge mawili, mojawapo lenye mamlaka ya juu na jingine likiwa na mamlaka ya chini.

Mapendekezo hayo ambayo yataanza kujadiliwa na wajumbe wa Nec, yanaonekana kuwa mtego kutokana na hali ndani ya chama hicho ilivyo hivi sasa.

“Hii inaonekana tumepewa kamba tujimalize wenyewe, maana suala la mgombea binafsi kwa vyovyote vile lazima litakuwa kwenye Katiba Mpya, njia ambazo tumekuwa tukitumia zimefikia mwisho, utashi wa wananchi utachukua mkondo wake, hivyo lazima tujipange,” kilidokeza chanzo chetu.

Katika kikao cha CC juzi, baadhi ya wajumbe walitaka Mbunge wa Monduli (CCM), Edward Lowassa asilaumiwe kutokana na wanachama wa chama hicho kukimbilia Chadema, pia wakipinga George Mkuchika kubaki katika Baraza la Mawaziri.

Moto wa mgombea binafsi

Moto wa kuwepo kwa mgombea binafsi katika chaguzi za kisiasa ulianzishwa na Mchungaji Christopher Mtikila alipofungua kesi ya kikatiba katika Mahakama Kuu, Kanda ya Dodoma mwaka 1993 akiiomba iruhusu kuwepo kwa mgombea binafsi.

Katika hukumu iliyotolewa Oktoba 24, 1994 na Jaji Kahwa Rugakingira, Mchungaji Mtikila aliibuka mshindi.

Hata hivyo, Serikali ilikata rufaa Mahakama ya Rufani, lakini wakati rufaa hiyo ikisubiri usikilizwaji na uamuzi, Serikali ilipeleka muswada bungeni na kufanya marekebisho ya kikatiba na kuweka ibara inayotamka kuwa kila mgombea ni lazima awe amependekezwa na chama cha siasa.

Februari 17, 2005, Mchungaji Mtikila alifungua kesi nyingine Mahakama Kuu, Kanda ya Dar es Salaam akipinga marekebisho hayo ya Katiba ya mwaka 1994. Katika kesi hiyo alikuwa akiiomba Mahakama hiyo pamoja na mambo mengine, iamuru kuwepo kwa mgombe binafsi.

Katika hukumu iliyotolewa Mei 5,2006, Mchungaji Mtikila aliibuka mshindi kwa mara nyingine baada ya Mahakama Kuu kukubaliana na hoja na maombi yake na kuwepo kwa mgombea binafsi.

Hukumu hiyo ilitolewa na na jopo la Majaji watatu wa Mahakama Kuu wakiongozwa na aliyekuwa Jaji Kiongozi, Amir Manento, Salum Massati na Thomas Mihayo.

Serikali ilikata tena rufaa katika Mahakama ya Rufani, ikipinga uamuzi huo wa Mahakama Kuu, iliyosikilizwa na Jopo la Majaji Saba wa Mahakama ya Rufani Aprili 8, 2010.

Katika hukumu yake ya Juni 16, 2010, Mahakama ya Rufani ya Tanzania ilitolewa na jopo la majaji hao saba walioongozwa na aliyekuwa Jaji Mkuu wa Tanzania, Augustino Ramadhani, mahakama hiyo ilijifunga mikono baada ya kusema kuwa haina mamlaka ya kutengua ibara ya Katiba.

Wengine katika jopo hilo la majaji walikuwa Eusebio Munuo, Januari Msofe, Benard Luanda, Mbarouk Mbarouk, Nathalia Kimaro na Sauda Mjasiri

Malisa hajafukuzwa
Katibu wa Itikadi na Uenezi, Nape Nnauye na Kaimu Mwenyekiti wa Umoja wa Vijana (UVCCM), Benno Malisa, jana walilazimika kutoka nje ya ukumbi wa mikutano na kukutana na waandishi wa habari kukanusha taarifa za kiongozi huyo wa juu wa umoja wa vijana kufukuzwa Kamati Kuu (CC).

Taarifa zilizosambaa juzi na jana, zilidai kuwa Malisa alifukuzwa CC baada ya kuhoji uteuzi wa wakuu wa wilaya ambao Rais Jakaya Kikwete aliufanya hivi karibuni.

Nape alisema hakuna kitu cha aina hiyo na kwamba, hicho ni kati ya vikao vya chama hicho vilivyowahi kufana na kufanyika kwa furaha tofauti na taarifa zilizokuwa zinasambazwa.

Naye Malisa alisema ameshangazwa na taarifa hizo kwa sababu bado ni Mjumbe wa CC na alikuwa akihudhuria kikoa cha Halmashauri Kuu.

Uteuzi Makatibu wa wilaya

Kamati Kuu (CC) ya CCM imefanya uteuzi wa makatibu wa wilaya 32 kujaza nafasi zilizokuwa wazi kutokana na sababu mbalimbali, ikiwamo baadhi kuteuliwa kuwa wakuu wa wilaya na kwamba watapangiwa kazi baadaye.

Makatibu hao ni Grayson Mwengu, Abdallah Hassan, Ernest Makunga, Mgeni Haji, Innocent Nanzabar, Nicholaus Malema, Mercy Mollel, Michael Bundala, Elisante Kimaro, Zacharia Mwansasu, Eliud Semauye, Habas Mwijuki, Loth Ole Nasele na Charles Sangura.

Wengine ni Donald Magessa, Fredrick Sabuni, Janeth Mashele, Daniel Parokwa, Zongo Lobe Zongo, Mwanamvua Killo, Joyce Mmasi, Simon Yaawo, Epimack Makuya, Amina Kinyongoto, Asia Mohammed, Venosa Mjema, Augustine 

Madiwani wamkataa Mkuu wa Wilaya wa Tarime

Habari News Tanzania


Madiwani wamkataa Mkuu wa Wilaya wa Tarime
SIKU moja baada ya kuteuliwa kwa wakuu wa Wilaya, madiwani wa Halmashauri ya Wilaya ya Tarime wamemkataa Mkuu wa Wilaya ya Tarime, John Henjewele na kumuomba, Rais Jakaya Kikwete aweze kumuondoa katika Wilaya hiyo na kumpangia Wilaya nyingine ya kufanyia kazi baada ya kushindwa kudhibiti usalama wa raia na mali zao na kufanya ukaidi kila anaposhauriwa.
Wakizungumza na Waandishi wa Habari mara baada ya kuhailishwa kwa kikao cha kawaida cha Baraza la Madiwani kilichokuwa kifanyike katika ukumbi wa mikutano wa Halimashauri hiyo,Madiwani hao walidai kuwa DC Henjewele akiwa kama Mwenyekiti wa kamati ya ulinzi na usalama ameshindwa kudhibiti matukio ya mauajia ambapo hivi karibuni katika mgodi wa Nyamongo na Tarime Mjini lakini Mekaa kimya.
Kiongozi wa upinzani katika Baraza la madiwani wa Halimashauri hiyo Ndesi Charles wa kata ya Turwa (CHADEMA) alisema wameamua kwa kauli moja kutokufanya kikao cha Baraza la Madiwa kutokana na DC huyo kuigeuza Halimashauri ya Tarime kama Taasisi yake na kusema kuwa hawataendesha vikao vya Baraza hilo mpaka hapo mkuu wa Mkoa atakapokuja na kuondoka na DC huyo.
Ndesi amesema kuwa wameshangazwa na uteuzi uliofanyika jana wa ma DC na Henjewele kuendelea kubakishwa katika Halimashauri hiyo licha ya taarifa ya kulalamikiwa na Wananchi pamoja na Madiwani kwa kushindwa kuzingatia utawala bora na kuendelea kukumbatiwa.
“Madiwani wote tumeamua kwa pamoja kugomea kufanya kikao hicho ambacho kilikuwa na ajenda ya kupitia taarifa ya mkaguzi mkuu wa hesabu za Serikali (CAG) lakini tumeshindwa kufanya na hatutafanya mpaka hapo DC Henjewele atakapoondolewa katika Wilaya ya Tarime,”alisema Ndesi.
Alisema DC Henjewele kwa sasa anafanya biashara zake na amewekeza katika mgodi wa Nyamongo na kushindwa kufatilia kelo za Wananchi na kufikia hatua ya kuzuia wawekezaji waliopo kuatika mgodi huo wa ABG kukataa kulipia karo za wanafunzi kama ilivyo katika makaubaliano na mgodi huo.
Diwani wa kata ya Nyamaraga Antony Manga (CCM) alisema suala la DC huyo lilishaongelewa katika vikao vya chama lakini ameshindwa kuwa msikivu katika masuala ya msingi anayolalamikiwa na Wananchi pamoja na Madiwani hivyo nao wameamua kwa pamoja kumkataa na sio chaguo sahihi kwa Tarime katika dhana nzima ya kuhalakisha maendeleo.
Amesema kumekuwa na kero mbalimbali zinazomuhusu ikiwemo kutokusikiliza kuondolewa kwa kizuizi cha Nkende kata ya Sirari ambacho kimekuwa kikwazo kikubwa kwa wafanyabiashara kufanya shughuli zao za kimaendeleo kutokana na kuwepo kwa kizuizi hicho na kudai kuwa kizuizi cha Kirumi kinatosha.
Kwa upande wake Mwenyekiti wa Halimashauri ya Wilaya ya Tarime na Diwani wa kata ya Sirari Amos Sagara amesema kutokufanyika kwa kikao hicho cha kawaida cha Baraza la Madiwani ni baada ya kutokea kwa marumbano ya madiwani wote kabvla ya kikao wakitaka kutokufanyika kwa kikao hicho mpaka hapo atakapokuja mkuu wa Mkoa ili aweze kuondoka na DC huyo kutokana na madai yao mbalimbali juu yake.
Alisema baada ya maluymbano hayo kuzidi aliamua kuhitisha kikao cha ndani na Madiwani wote na kupitisha azimio moja la kutokufanyika kwa kikao hicho mpaka hapo watakapowasiliana na Mkuu wa Mkoa ili kushiriki katika kikao cha pamoja na Madiwani hao ili kuweza kufikia muafaka wa yale yanayozungumzwa.
Akiongea kwa njia ya simu na BINDA NEWS Henjewele alisema yale yote yanayolalamikiwa na Madiwani hao si ya kweli na kama wanataarifa za kimaandishi wanapaswa waziwasilishe na si kuongea mambo ambayo hayana ukweli na kudai kuwa huenda wanazo sababu zao nyingine.
Alisema kuwa hali ya kiusalama katika Wilaya ya Tarime ni nzuri na hayo wanayo yaongea na kufikia hatua ya kugomea kikao juu yangu si ya kweli na kuendele kusisistiza kama wanao ushahidi juu ya hayo yote waweze kuyatolea taarifa kwa njia zinazo stahili.

HALMASHAURI KUU YA TAIFA WA CCM

Habari News Tanzania

Halmashauri Kuu ya CCM ya Taifa inafanya mikutano yake ya kawaida mara moja kila baada ya miezi minne, lakini inaweza kufanya mkutano  usiokuwa  wa  kawaida  wakati wowote  endapo  itatokea  haja  ya  kufanya hivyo au kwa maagizo ya kikao cha juu.

Mkutano  wa  Halmashauri  Kuu  ya  Taifa utakaofanyika katika kipindi cha miezi sita ya mwisho wa kila mwaka utakuwa pia na kazi maalum ya kupokea na kujadili taarifa ya utekelezaji wa Ilani ya CCM unaofanywa na Serikali ya Jamhuri ya Muungano wa Tanzania pamoja na Serikali ya Mapinduzi ya Zanzibar katika mwaka wa fedha uliopita wa Serikali hizo ambao ulimalizika tarehe 30 Juni ya mwaka unaohusika.

Katika mikutano yote ya Halmashauri Kuu ya CCM  ya  Taifa,  uamuzi  utafikiwa  kwa makubaliano ya jumla, au kwa wingi wa kura za Wajumbe waliohudhuria na kupiga kura. Lakini ukitokea uamuzi unaohitajika kutolewa kuhusu vyombo vya Serikali ya Jamhuri ya Muungano  wa  Tanzania  au  vyombo  vya Serikali ya Mapinduzi ya Zanzibar au kuhusu muundo wa Serikali ya Jamhuri ya Muungano wa Tanzania na Serikali ya Mapinduzi ya Zanzibar, uamuzi huo ni lazima upitishwe kwa azimio lililoungwa mkono na theluthi mbili ya kura za Wajumbe kutoka Tanzania Bara na theluthi mbili ya kura za Wajumbe kutoka Tanzania Zanzibar.

Mwenyekiti wa CCM atakuwa Mwenyekiti waMkutano wa Halmashauri Kuu ya CCM yaTaifa, lakini Mwenyekiti wa CCM asipoweza kuhudhuria, mmoja wa Makamu wa Mwenyekiti wa CCM atakuwa Mwenyekiti wa muda wa Mkutano huo.

Wakuu wa wilaya walioteuliwa, wengi hawana sifa

Habari News Tanzania

Wakuu wa wilaya walioteuliwa, wengi hawana sifa

RAIS Jakaya Kikwete juzi alifanya mabadiliko makubwa ya wakuu wa wilaya nchini, huku akiwatupa nje 31 na kuteua wapya 70 kati ya 133 aliowateua, ikiwa ni wiki moja tu tangu afanye mabadiliko makubwa ya Baraza la Mawaziri. Katika mabadiliko hayo, Rais amewahamisha wakuu wa wilaya 48 na kubakiza 15 katika vituo vyao vya awali.

Hata hivyo, uteuzi huo umeibua hisia hasi kutoka kwa wananchi kote nchini siyo kutokana na idadi kubwa ya wakuu hao wa wilaya, bali uwezo mdogo wa wengi walioteuliwa kuongoza wilaya hizo wakati huu ambapo nchi inakabiliwa na matatizo makubwa ya kiuchumi na wananchi wana hali ngumu ya maisha, hivyo kuhitaji watu mahiri kuongoza wilaya hizo ambazo hasa ndizo zinazopaswa kuwa vitovu vya maendeleo.
Sisi hatushangai hata kidogo kuona wananchi wengi wanapinga au kubeza uteuzi wa wengi wa wakuu hao wa wilaya na hatushangai pia kuona wananchi hao wakifanya hivyo kwa hisia kali wakiwa katika mfadhaiko mkubwa. Tunasema hivyo kwa sababu mengi ya matatizo na mateso wanayoyapata wananchi hivi sasa yametokana na uongozi mbovu na dhaifu unaoendelea kuzamisha maendeleo ya nchi yetu na ustawi wa watu wake. Hivyo, wananchi walikuwa na matumaini makubwa kwamba wangeteuliwa watu mahiri, makini, wenye uadilifu, uwezo na uzalendo ili waweze kuondoa uozo uliokithiri katika halmashauri za wilaya.
Tunapenda kutahadharisha hapa kwamba hasira za wananchi kamwe zisichukuliwe kwamba zinahoji mamlaka ya Rais ya kuwateua katika nafasi mbalimbali watu anayeona wanafaa, kwani hakuna ubishi hata kidogo kwamba Katiba inamruhusu kufanya hivyo. Kinachohojiwa na wananchi ni uwezo wa watu aliowateua, ikiwa ni haki yao kikatiba kwani wao ndiyo mamlaka ya juu inayomuweka au kumuondoa rais madarakani.
Katika mazingira ya kidemokrasia, wananchi hawatazamiwi  kukaa kimya pale wanapohisi kuna matumizi mabaya ya madaraka. Pia hawategemewi kukaa pasipo kupaza sauti wanapohisi uteuzi wa wakuu hao wa wilaya umeegemea mno katika kutimiza malengo ya kisiasa ya chama fulani badala ya maslahi ya wananchi wote katika mfumo wa siasa za vyama vingi. Hakika hawawezi kutegemewa kufunika kombe eti mwanaharamu apite pale wanapohisi ‘Ofisi ya Mkuu wa Wilaya’ inadhalilishwa kwa kuongozwa na mtu au watu wasio na sifa au wasiofaa.
Wananchi wengi wa kada zote nchi nzima wameghadhabika. Kama habari tuliyochapisha katika gazeti hili leo inavyosema, wananchi jana walionyesha kutoridhishwa na uteuzi wa wakuu wengi wa wilaya, huku wengine wakisema huo ni mpango maalumu wa CCM  kujipanga kwa ajili ya Uchaguzi Mkuu wa 2015 kwa kuweka makada wake katika nafasi hizo nyeti. Wengine wanahisi huo ni mradi mahsusi wa kugawana vyeo na kulipana  fadhila.
Serikali imesema itawapa wakuu hao wa wilaya mafunzo ya wiki mbili na baadaye watapewa mtihani. Lakini wananchi wanahoji itawezekanaje katika muda huo mfupi wapate ujuzi na uwezo wa kuongoza wasomi walio katika idara mbalimbali za serikali na taasisi za umma wilayani, huku wengine wakisema baadhi ya wakuu hao wa wilaya hawana elimu ya kutosha.
Ni kweli kwamba ukuu wa wilaya ni nafasi nyeti, hasa katika wakati tuliomo wa kufufua uchumi, kuondoa wananchi katika umaskini wa kutisha waliomo na kupambana na ufisadi na rushwa. Hivyo, mbali na uadilifu wananchi wangetegemea wateuliwe watu wenye elimu ya kutosha, wenye rekodi ya utumishi uliotukuka, uzoefu mkubwa katika uongozi na wenye uwezo wa kusimamia utekelezaji wa mipango ya maendeleo, ikiwamo kilimo, elimu na kadhalika.
Badala ya kupoteza muda na fedha kutoa mafunzo pengine kwa wakuu wa wilaya wasiofundishika, Serikali ingetoa malengo kwa kila mmoja kulingana na mazingira ya wilaya anayokwenda kufanya kazi, lengo kuu likiwa ni kuwaletea wananchi maendeleo badala ya itikadi za kisiasa ambazo kamwe haziwezi kuwapa tija au shibe.

Nguvu za kiume

 wanaume kupungukiwa nguvu za kiume zimezidi kushika kasi, kiasi cha kufanya dawa za kuongeza nguvu hizo kuwa maarufu na zenye mahitaji makubwa katika jamii.

~~Waganga wa kienyeji wamekuwa wakitumia dawa hizo kama tiba ya msingi ya kuwavutia wateja kwenye biashara zao. Hii inaonesha kuwa tatizo hili ni kubwa miongoni mwa wanaume wengi katika jamii yetu.

~~Hata hivyo, utafiti unaonesha kwamba wengi kati ya wanaume waliowahi kutumia dawa za asili na zile za hospitali kuondokana na tatizo la upungufu wa nguvu za kiume hawakufanikiwa kupata tiba ya kudumu, matokeo yake wamegeuzwa kuwa watumwa wa kila wanapotaka kushiriki tendo lazima wabwie ‘kolezo’ la kuwasaidia kuamsha hisia zao.

Kwa wanaume, ukosefu wa nguvu ni jambo linalouma na kuondoa kabisa ujasiri. Wengi kati yao wako tayari kutumia pesa na uwezo wao wote kuhakikisha kuwa heshima ya tendo la ndoa inakuwa katika miliki yao daima.

Lakini, watafiti wa masuala ya mapenzi wamegundua kuwa wengi kati ya hao wanaolalamika kupungukiwa nguvu za kiume, hawafahamu chanzo cha matatizo na namna wanavyoweza kuepukana na kasoro hizo.

Ushahidi uliopatikana kwa waathirika wa tatizo hili, unaonesha kuwa wanaume wanapokabili upungufu wa nguvu za kiume huishia kujuta na kujilaumu wenyewe bila kutazama upande wa pili wa washirika wao, namaanisha wanawake. Zipo kesi za wanaume kujiua au kujinyofoa sehemu zao za siri kwa sababu ya kushindwa katika tendo la ndoa. Hali hii inatoa picha kwamba wanaume wengi hujitwika mzigo wa lawama wenyewe.

Dokta Bianca P. Acevedo kutoka Chuo Kikuu cha California, Santa Barbara anasema, wanawake huchangia kwa kiasi kikubwa tatizo la upungufu wa nguvu za kiume, jambo ambalo nami nalithibitisha kwa ushahidi wa kitaalamu ufuatao:

1: KAULI
Miongoni mwa mambo ambayo mwanaume hataki kuyasikia yakitoka kwenye kinywa cha mwanamke ni kuambiwa HAWEZI TENDO LA NDOA. Mwanamke akimwambia mwanaume wakati au baada ya tendo kuwa hawezi, atakuwa amemsababishia tatizo kubwa la kisaikolojia ambalo litampelekea kupotea nguvu za kiume taratibu.

Msaada unaohitajika kwa mwanamke anayekutana na mwanaume dhaifu kwenye tendo si kumwambia hawezi, bali ni kumtia moyo na kumsaidia kuweza . Wanawake wamewasababishia waume zao upungufu wa nguvu za kiume kwa kuwaambia maneno kama haya: “Yaani siku hizi sijui umekuwaje, yaani huwezi kazi kabisa!”

2 : UJUZI
Wanawake wengi hasa waliopo kwenye ndoa, wanapuuza ujuzi kwenye tendo la ndoa. Hawajishughulishi kumsaidia mwanaume ‘kuwika’, si wabunifu na watundu, jambo hili humfanya mwanaume kushiriki tendo kwa kutegemea kupanda kwa hisia zake mwenyewe, hivyo anapokuwa amechoka au ana mawazo, hawezi kusisimka kwa vile hapati ushirikiano toka kwa mwenzake.

Pamoja na wengi kutokuwa wajuzi, lakini wapo wengine ambao ni watundu mno kwenye sita kwa sita kiasi cha kumfanya mwanaume ajione kama mgeni wa mchezo huo. Kimtazamo, wanaume hupenda sana ushindi wakati wa ‘kazi’, lakini pale wanapogeuzwa ‘chekechea’ hupunguza uwezo wa kujiamini na kuruhusu hofu kuongezeka mawazoni mwao, hivyo kuwasababishia tatizo la upungufu wa nguvu za kiume.

Inashauriwa kwamba, mwanamke anapokuwa na uelewa mkubwa wa masuala ya mapenzi hasa wakati wa tendo, asioneshe kiwango kikubwa kwa haraka bali amchukulie mwenzake kama mwanafunzi, asiwe na maneno kama: “Leo nakuja kukupa vitu adimu kuliko vya juzi, hakuna kulala kasi mtindo mmoja.” Kauli hizi huwaogopesha wanaume na kuwafanya wapungukiwe na nguvu.

3.USAFI
Mwanamke anapokuwa si msafi, huweza kumsababishia mwanaume matatizo ya upungufu wa nguvu za kiume. Sote tunafahamu umuhimu wa usafi wa mwili na kero za uchafu wakati wa tendo, hivyo ni wazi kuwa mwanamke akiwa mchafu atamfanya mwanaume apoteze msisimko na uwezo wa tendo la ndoa. Unadhifu wa mavazi na mwili ni muhimu sana katika mapenzi.

4.GUBU
Jambo lingine linaloweza kumsababishia mwanaume upungufu wa nguvu za kiume ni gubu au karaha za maneno ya uchokozi yasiyokuwa na kichwa wala miguu. Uchokonozi wa mambo, ugomvi, usaliti na hali ya kutokuwa na staha ni mambo yanayosababisha tatizo la upungufu wa nguvu za kiume.

Mwanamke anapokuwa mwingi wa maneno ya kashfa, dharau na matusi huweza kumfanya mume amchukie na kutopenda kushiriki naye tendo. Uchunguzi unaonesha kwamba wanawake walioolewa wenye tabia hii, huwafanya waume zao wawe na msisimko wa kimapenzi kwa wanawake wa nje kuliko wake zao hao.

5.USALITI
Tabia ya usaliti kwa mwanamke ni chanzo kingine cha mwanaume kupata tatizo la upungufu wa nguvu za kiume. Mwanaume anapoona, kuhisi au kubaini kuwa anasalitiwa, huumia sana moyoni, maumivu ambayo hatimaye humfanya muhusika kuwa na mawazo mengi ambayo humuondolea hamu ya tendo.

Mada hii imezungumzia zaidi wanawake, lakini vipengele vilivyomo kwenye somo hili vinatumika pia kwa upande wa wanaume kuwasababishia wanawake matatizo ya kupoteza msisimko wakati wa tendo.

upasuaji wa moyo

Habari News Tanzania


 ia ya upasuaji wa moyo

Mapinduzi na maendeleo makubwa katika tiba ya upasuaji wa moyo duniani yanaanzia mwaka 1944 wakati kwa mara ya kwanza duniani katika Hospitali ya John Hopkins nchini Marekani ilifanyika operesheni ya kwanza ya upasuaji wa moyo na kufanikiwa kwa mtoto aliyekuwa na tatizo la moyo la kuzaliwa nalo lililokuwa linasababisha watoto watoto kufa kwa kukosa hewa safi ya oksijeni katika mzunguko wa damu mwilini.

Operesheni hii ilifanywa na Dkt. Alfred Blalock na wanafunzi wake wa upasuaji akiwemo Dkt. Denton A. Cooley (Mwalimu wangu na mwanzilishi wa Texas Heart Institute ya Marekani) baada ya kuombwa na daktari wa watoto, Dkt. Hellen Taussing kujaribu kuokoa maisha ya watoto hao waliokuwa wanakufa bila ya kujua jinsi ya kuwasaidia. Lakini la muhimu kutambua ni kuwa, operesheni hii ya kwanza duniani ilifanikishwa na kijana Mmarekani mweusi (African-American), Vivien Thomas aliyekuwa msaidizi wa Dkt. Alfred Blalock kwa majaribio ya kisayansi aliyewezesha kufanyika kwa operesheni hii na akafikia kupewa Udaktari wa Heshima (Honorary Doctor of Medicine) na kufundisha madaktari wengi wa upasuaji wa moyo waliopitia katika Hospitali ya John Hopkins. Hivyo operesheni hii huitwa ‘Blalock-Taussing Shunt’. Lakini historia itamkumbuka Dkt. Vivien Thomas kwa mchango wake.

Operesheni hii ilikuwa ni ya kuunganisha baadhi ya mishipa ya damu ili kuwezesha mwili wa mtoto kupata hewa safi. Ingawa operesheni hii ilikuwa si ya kufungua moyo moja kwa moja lakini ilisaidia kutoa mwanga kuwa inawezekana kuufanyia moyo upasuaji na kurekebisha kasoro zilizo ndani ya moyo.Hivyo madaktari na wanasayansi waliendelea na majaribio mbalimbali kwa kutumia wanyama na hadi baada ya vita ya Pili ya Dunia ambapo baadaye Dkt. John Gibbon na mkewe Mary Gibbon katika chuo kikuu cha Minnesota mjini Minneapolis nchini Marekani walipofanikiwa kugundua mashine ya kupitisha damu nje ya moyo (Heart-Lung machine/ Extracorporal Circulation machine au Cardiopulmonary Bypass machine) na kuweza kufanya operesheni kwa kuupasua moyo na kurekebisha kasoro zilizo ndani yake. Hapa ndipo mapinduzi makubwa na maendeleo makubwa katika tiba yalianza kutokea. Hii ilikuwa ni mwaka 1953.

Upasuaji wa moyo wa kisasa ulianza na mabingwa wengi zaidi kujitokeza kama kina Dkt. Lillehei, Denton A. Cooley, Michael De Bakey, John Kirkin, Crafoord, Francis Fontan na wengineo wengi.

Mwaka 1967 operesheni ya kwanza ya ya upasuaji wa moyo duniani kwa kupandikiza/ kuweka moyo wa mtu mwingine (Heart Transplant) ulifanyika huko nchini Afrika Kusini na Dkt. Christian Barnard. Mwaka mmoja baadaye, yaani mwaka 1968, operesheni ya kwanza duniani ya upasuaji wa moyo kwa kumuwekea mgonjwa moyo wa bandia (Artificial Heart Transplant) ilifanywa na Dkt. Denton Cooley (mwalimu wangu na mwanzilishi wa Texas Heart Institute) mjini Houston, Texas, Marekani.

Kufanyika na kufanikiwa kwa upasuaji huu kulileta changamoto na maendeleo makubwa katika tiba kwa ujumla na hasa katika tiba ya moyo na upasuaji wa moyo. Kwa hivi sasa, sayansi ya tiba ya moyo imekua kiasi kwamba leo hii tupo kwenye upasuaji wa kutumia mirija (catheterization/ Angioplasty), kwa kukata kidogo bila kuharibu mwili au moyo (minimally Invasive Surgery) na kwa kutumia vifaa bandia (Robbotic Surgery).

Lakini pamoja na maendeleo haya duniani, Bara letu la Afrika ikiwemo nchi yetu Tanzania sayansi hii inaonekana ni kama ndoto. Kuna kila haja ya kufanya juhudi za ziada ili bara letu na hasa nchi yetu ya Tanzania iweze kufikia hapo wenzetu walipofikia. Tazama takwimu za upasuaji wa moyo zilizivyo duniani katika karne hii ya 21.

Takwimu za upasuaji moyo duniani

Kama zilivyotolewa na Shirika na Moyo Duniani  (World Heart Foundation) mwaka 2002:

• Operesheni za moyo 860 kwa kila idadi ya watu milioni moja hufanyika Marekani ya Kaskazini, Australia na Ulaya
• Operesheni zamoyo 60 kwa kila watu milioni moja hufanyika Amerika ya Kusini, Urusi, Asia na Afrika
• Hii inamaanisha kuwa takribani 93% ya watu wanaohitaji huduma ya upasuaji wanaoishi nje ya Amerika, Australia na Ulaya hawapati huduma hii
• Kwa takwimu halisi ni kwamba, watu karibu bilioni 4.5 duniani hawafikiwi na huduma ya upasuaji wa moyo duniani.

Changamoto ya Uwezo wa Upasuaji wa Moyo

Teknolojia hii ina changamoto zake kadhaa zikiwemo

• Ni sayansi ya kisasa zaidi, hivyo
• Ina gharama – vifaa ni aghali sana, na
• Kuna upungufu wa wataalamu, ambao kwa upande fulani husababishwa na
• Kutokana na kukosa mtazamo
• Kuanisha mradi mpya hakuwavutii wafadhili/ wakopeshaji kwa vile faida huchukua muda mrefu zaidi kupatikana kama miaka zaidi ya mitano, na
• Mgongano wa maslahi kama vile kitendo cha kupeleka wagonjwa nje ya nchi huwanufaisha sana baadhi ya watu, lakini pia
• Ni ngumu kwa watu wa kawaida kumudu gharama za tiba ya upasuaji wa magonjwa haya

mimba ya mtoto wa kike

Habari News Tanzania

Ni vipi ubebe mimba ya mtoto wa kike?

Napenda kuchukua nafasi hii kujibu swali la pili la mdau mmojawapo wa Kona ya Afya ambaye ameuliza kuwa, ni vipi anaweza kubeba mimba ya mtoto wa kike. Katika kujibu swali hilo naweza kusema kwamba, ndugu mdau ulimwengu hivi sasa umeendelea sana kiasi kwamba matatizo mengi katika jamii yanatatuliwa kwa msaada wa wataalamu mbalimbali. Mojawapo ni suala la mtu kuzaa mtoto wa kike au wa kiume. Ingawa njia hizo nitakazoziandika hapa pengine hazina uhakika mia kwa mia, lakini wapo watu wengi wamejaribu na zimewasaidia. Hivyo nina matumaini kwa kufuata maelekezo haya ukaweza kupanga na kuzaa mtoto wa kike kama unavyokusudia. Ninachotaka kusisitiza hapa ni kuwa, maendeleo ya elimu hasa katika uwanja wa sayansi na tiba yamekuwa na taathira nyingi katika kupunguza matatizo ya familia kama vile ugumba, kuzaa mtoto wa jinsia inayotakiwa na wazazi, magonjwa ya wanawake, vifo vya wajawazito na kadhalika. Ni ukweli usiopingika kwamba ingawa watu wengi wanazingatia kuzaa mtoto aliye mzima wa mwili na afya bila kujali jinsia ya mtoto huyo, lakini uchunguzi unaonyesha kwamba kuna baadhi ya watu au wazazi wanaopenda kuwa na watoto wa jinsia fulani zaidi. Vilevile imeonekana kuwa wanawake hupendelea kuwa na watoto wa kike huku wanaume wakipenda kuwa na watoto wa kiume. Hata hivyo wazazi ambao tayari wana watoto wa jinsia ya kike au ya kiume hupendelea kuwa na mtoto wa njinsia nyingineyo ili kuwa na watoto wa kiume na wa kike.

Je, ni vipi jinsia ya mtoto huainishwa?
Kinyume na wengi wanavyofikiria kwamba mwanamke au mwili wa mwanamke ndio mwenye jukumu la kuainisha jinsia ya mtoto kwa kuwa yeye ndiye anayebeba mimba, uhakika wa mambo ni kuwa mwanamume ndie mwenye uwezo wa kuainisha jinsia. Kila yai la mwanamke lina chromozu mbili za X. Iwapo manii ya mwanamume au spemu (ambayo in chromozomu X na Y) itakuwa na X na kurutubisha yai la mwanamke lenye X tupu, basi mtoto atakayezaliwa atakuwa mwanamke. Vilevile iwapo spemu ya mwanamume itakuwa na Y na kurutubisha yai la mwanamke, basi mtoto atakayezaliwa atakuwa mwanamume. Hivyo kwa kufahamu suala hilo, ni matumaini yetu kuwa vile visa vya kinamama kuachwa eti kwa kuwa hawakuzaa watoto wa kiume au wa kike vitapungua katika jamii zetu. Mke wako asipozaa mtoto wa jinsia uitakayo, usifikiri kuwa yeye ndio mwenye makosa.
Wakati mwanamume anapomwaga shahawa, spemu kati ya milioni 200 hadi 400 humwagwa katika uke wa mwanamke. Baadhi ya spemu hizo huwa zina chromozomu X na baadhi zina chromozomu Y. Hata hivyo, ni spemu moja tu ambayo hutakiwa kwa ajili ya kurutubisha yai la mwanamke na kuunda mimba. Nadharia mbalimbali zinazotolewa kwa ajili ya kusaidia kuchagua ni jinsia gani unaitaka awe nayo mwanao, zinategemea suala la kuandaa mazingira katika uke na mwili wa mwanamume na mwanamke, yatakayosaidia spemu ya baba yenye chromozomu inayotakiwa irutubishe yai la mama, na hivyo kutungwa mimba ya jinsia inayotakiwa.
Njia ya Dr. Shettles ya kuzaa mtoto wa kike
Njia hii imekuwa ikitumiwa na watu wengi kwa miaka mingi sana na imewasaidia kuweza kuzaa mtoto wa kike. Wengi wanasema kuwa uwezekano wa kufanikiwa njia hii ni asilimia 90. Njia ya Dr. Shettles inategemea msingi kwamba, chromozomu Y (yenye kuwezesha kutungwa mimba ya mtoto wa kiume) ni ndogo na yenye kwenda kwa kasi zaidi ikilinganishwa na chromozomu X (yenye kuwezesha kutungwa mimba ya mtoto wa kike) ambayo ni kubwa na huenda polepole. Pia kwa kutegemea kuwa chromozomu X inaishi muda mrefu zaidi kuliko ile ya Y. Hivyo Dr. Shettles anashauri kuwa iwapo unataka kuzaa mtoto wa kike uhakikishe kuwa:
• Unajamiiana siku 2 au 3 kabla ya Ovulation. Kinadharia spemu za kiume zitakuwa zimeshakufa hadi kufikia siku hasa ya Ovulation na kuziacha spemu za kike zikiwa hai tayari kurutubisha yai na kuunda mtoto wa kike.
• Anashauri pia wanawake wajizuie kufikia kileleni (orgasm) kwani hali hiyo itaufanya uke uwe na hali ya asidi ambayo ni kwa faida ya spemu ya kike yenye chromozomu X.
• Pia anawashauri wazazi wanapojamiina wawe katika hali ya mwanamke kulala chini na mwanamume juu au missionary position. Kwani anasema kuwa mtindo huo huziwezesha spemu zenye chromozamu X zimwagike karibu na mlango wa uke na kuwa na uwezekano mkubwa wa kuingia ukeni na kutungwa mimba.
Njia ya O+12
Njia hii inayomaanisha Ovulation jumlisha siku 12 ilivumbuliwa na mama mmoja wa Australia aliyekuwa akihangaika kupata mtoto wa kike baada ya kuzaa watoto 6 wa kiume. Mama huyo anawahusia wale wanaotaka kubeba mimba ya mtoto wa kike wajamiiane masaa 12 baada ya Ovulation. Mama huyo alifuata njia ya Dr. Shettles bila mafanikio katika mimba zake za nyuma. Lakini baada ya kugundua njia yake hii mwenyewe mwishowe alibeba mimba na kujifungua mtoto wa kike.



Kuna wengine wanaamini kwamba baadhi ya lishe na vyakula vya aina mbalimbali husaidia kutunga mimba ya mtoto wa kike. Kwa mfano kuna wanaoamini kuwa kula baadhi ya vyakula huufanya uke uwe na hali ya asidi ambayo husaidia Chromozomu Y ife katika uke. Nadharia nyingineyo inayotumiwa katika kuchagua jinsia ya mtoto inasema kwamba, mwanamke anayetaka kubeba mimba ya mtoto wa kike ale vidonge vya virutubisho (supplements) vya Calcium na Magnessium mwezi mmoja kabla ya kubebea mimba. Iwapo unataka kutumia vidonge vya virutubisho ili uweze beba mimba ya mtoto wa kike, ni bora ushauriane na daktari wako kwanza. Hii ni kwa sababu dawa hizo huweza kuingiliana na dawa nyinginezo za magonjwa mbalimbali.
Baadhi ya vyakula vinavyotajwa kuwa vinasaidia katika kutunga mimba ya mtoto wa kike ni.
• Mahindi, nyama, maharagwe, samaki, tunda damu, mayai na maini.

Vyakula hivyo ni vya asidi hivyo huifanya PH ya mwili wako hupungua na kuwa ya acidi. Hali hiyo husaidia kuua spemu za Y na hivyo kusaidia kuzifanya spemu za X ziwe na uwezekano mkubwa wa kurutubisha yai. Hivyo mwanamke anayependelea kubebea mimba ya mtoto wa kike anashauriwa kutokula vyakula vyenye alikali ambavyo ni kama, ndizi, chokleti, juisi ya machungwa, viazi, tikiti maji na vinginevyo.
Pia sio mbaya kutaja baadhi ya imani na itikadi wanazoamini baadhi ya watu kuwa zinasaidia katika kupata mtoto wa kike:
• Fanya mapenzi wakati wa mchana.
• Fanya mapenzi siku shufwa (even days) za mwezi.
• Fanya mapenzi wakati mwezi umekamilika ( full moon days).
• Kula samaki na mboga mboga kwa wingi, na baadaye kufuatiwa na kitinda mlo cha chokleti.
• M-surprise mwenzi wako, kuna wahenga wanaamini wanawake wanaoanzisha wao kufanya mapenzi huzaa watoto wa kike!]
Hivyo kila la kheri wadau, unaweza kuchagua moja ya njia kati ya zilizotajwa hapo juu na kwa kufuata maelekezo ukajaaliwa kuzaa mtoto wa kike.

Simba and Yanga Live Match

Habari News Tanzania

GRAND MALT YAZINDUA TUZO ZA “EXCEL WITH GRAND MALT 201

Habari News Tanzania

GRAND MALT YAZINDUA TUZO ZA “EXCEL WITH GRAND MALT 2012”

 

Meneja wa Kinywaji cha Grand Malt,Consolata Adam akifafanua kwa waandishi wa habari namna mashindano yatakavyoendeshwa kwenye Vyuo vya Elimu ya Juu kwa mikoa sita nchini Kushoto ni Meneja Masoko wa TBL,Fimbo Butallah

  

Meneja Mahusiano na Mawasiliano wa TBL,Edith Mushi akizungumzia umuhimu na juhudi za serikali katika kuhamasisha jamii kutunza mazingira.

 

Meneja Masoko wa Kampuni ya Bia Tanzania (TBL),Fimbo Butallah (katikati) akiongea na Waandishi wa habari wakati wa uzunduzi wa Tuzo za Excel with Grand Malt  kwa wanafunzi wa elimu ya juu nchini leo kwenye ukumbi wa Mikutano wa TBL,jijini Dar es Salaam.Kulia ni Meneja wa Kinywaji hicho,Consolata Adam na kushoto ni Meneja Mahusiano na Mawasiliano wa TBL,Edith Mushi

Kinywaji maarufu cha Grand Malt leo kimezindua tuzo kwa wanafunzi wa elimu ya juu zijulikanazo kama “Excel with Grand Malt”, huu ukiwa ni mwaka wa pili kwa tuzo hizi kutolewa.
 
Akizungumzia tuzo hizo, meneja wa kinywaji cha Grand Malt Bi. Consolata Adam alisema; Excel with Grand Malt ni tuzo za aina yake ambazo zimelenga kutambua na kuthamini mchango wanaoonesha wanafunzi katika fani mbalimbali nje ya masomo ya darasani.
 Tunatambua kuwa kazi kubwa ya mwanafunzi anapokuwa chuoni ni kuhudhuria vipindi vya darasani na kupata elimu, bali tunapenda pia kuwatambua wale wachache ambao wanakwenda mbali zaidi na kufanya mambo ya maendeleo katika mazingira yao ya chuo.
 
Tuzo hizi zilianzishwa mwaka jana ambapo tuliweza kufika katika mikoa sita na kufikia vyuo vipatavyo ishirini. Kwa mwaka huu mchakato utaanza mwezi Aprili hadi June, na Mikoa itakayohusika ni pamoja na Dar es salaam, Morogoro, Iringa, Dodoma, Kilimanjaro na Mwanza ambapo vyuo vipatavyo 21 vitashiriki.
 
 Kama ilivyokuwa mwaka jana, fani zitakazoshindanishwa ni Ubunifu (Innovation), Michezo (sports), Utamaduni na burudani (Culture & Entertainment) na Mazingira na Huduma za jamii (Environment & social responsibilities). Kama ilivyo ada, washindi katika fani hizi watajipatia zawadi mbalimbali toka Grand Malt ikiwa ni pamoja na pesa za kununulia vitabu na vyeti vya ushindi.
 
Kwa sasa natangaza rasmi kuwa tunzo hizi zimezinduliwa rasmi na mkoa wa kwanza utakuwa ni Morogoro ambapo tunatarajia kufanya tamasha kubwa kwenye viwanja vya chuo kikuu cha SUA siku ya jumamosi kisha jumapili tutafanya tamasha la ufunguzi kwenye Viwanja vya chuo cha CBE mkoani Dodoma na kutakuwa na burudani zitakazoongozwa na nguli wa Hip hop nchini Joh Makini ,zawadi nyingi na zaidi kutakuwa na GrandMalt baridi na hakutakuwa na kiingilio chochote. Alisema Bi. Consolata.
 
Akielezea umuhimu wa Tuzo hizo, meneja masoko wa TBL Bw. Fimbo Butallah alisema; Tunafurahi sana kuona vyuo vyote vilipokea tuzo hizi kwa furaha kubwa, hii ni kwa sababu wanatambua umuhimu wake. Kupitia tuzo hizi ambazo zitakuwa zikitolewa kila mwaka, Grand Malt inatoa changamoto kwa vijana walio vyuoni kuona umuhimu wa kujituma na kufanya mambo mengi na makubwa zaidi ya kufaulu mitihani ya darasani tu. 
 
Tunaomba viongozi wa serikali za wanafunzi na viongozi wa vyuo kuendelea kutoa ushirikiano kama walivyofanya mwaka jana ili kuleta ufanisi zaidi katika tuzo za mwaka huu. Kama ilivyo kawaida, utaratibu utakuwa ule ule ambapo wanchuo watapendekeza majina ya vijana wanaoamini kuwa wamefanya mambo makubwa ndani ya vyuo vyao katika tasnia zilizotajwa hapo awali, kisha kufuatiwa na kipindi cha kupiga kura ambapo washindi watapatikana. Alimaliza Bw. Butallah
Kwa upande wake meneja mahusiano na mawasiliano wa Tbl Bi Edith Mushi,Alisema GrandMalt kwa kuzingatia umuhimu wa juhudi za serikali katika kuhamasisha jamii kutunza mazingira kwa kupanda miti mwaka huu Grand Malt itafanya zoezi maalum kwenye kila chuo kwa kupanda miti imara itakayosaidia kutunza na kuboresha mazingira ya vyuo hivyo ili kuandaa mazingira bora ya kusomea ya wanafunzi wa sasa na wa vizazi vijavyo ambapo mkoani Dodoma zoezi hilo litafanyika jumatatu May 07,2012 katika vyuo vya UDOM na CBE tawi la Dodoma na Mkoani Morogoro zoezi hilo litafanyika kwenye vyuo vya SUA na Mzumbe siku ya jumanne May 08,2012 asubuhi, kisho zoezi hilo litaendelea katika mikoa ya Iringa,kilimanjaro,Mwanza na Dar Es Salaam.

The Julius Nyerere Master’s Scholarships

Habari News Tanzania

Countries/Region- Tanzania

The University of Edinburgh is a public research university. It was founded in 1583. The university of Edinburgh is out of the top universities of the world. This university has been educating students from more than 400 years. The University of Edinburgh runs many campaigns. These campaign aims at:

• Collecting capital to construct new buildings to support teaching and research initiatives
• To increase the revenue for investment in people and infrastructure for focused initiatives across the campus
• To develop a strong network of supporters for the Campaign
• To establish endowments

The University of Edinburgh is offering three scholarships for the post graduate student. The students from Tanzania are eligible for this scholarship. The Julius Nyerere Scholarship was first time granted in the year 2009 in the memory of Mwalimu Julius Nyerere, the first ever president of Tanzania after the independence. The Julius Nyerere Master’s Scholarships will cover the full overseas tuition fee, living costs of £10,000, and a return flight from Tanzania to the UK. The scholarships will be tenable for one academic year.

Eligibility-

The scholarships will be awarded to Tanzanian citizens who are normally resident in Tanzania, and who are accepted for admission on a full-time basis for a postgraduate Master’s programme of study at the University of Edinburgh. Applicants should already have been offered a place at the University of Edinburgh and should have firmly accepted that offer or be intending to do so.

Criteria-

The three Scholarships will be awarded broadly on the basis of academic merit, with candidates requiring a Bachelors degree equivalent to a UK First Class Honours (‘First’) or Upper Division/Upper Second Class Honours (’2:1′) degree. N.B. The Julius Nyerere Master’s Scholarships are highly competitive and only the best candidates are considered. Prospective applicants should note that, to date, successful candidates for the Scholarships have all held a First Class Honours degree. Applicants with a 2:1 Honours degree will be considered if they can show a very strong track record of work experience relevant to their prospective degree.

Applying-
Eligible applicants should complete an online scholarship application.

Source Link: http://www.fundsforngos.org/tanzania/julius-nyerere-masters-scholarships/#ixzz1tjRAW0YO

Japanese Government Scholarships for Tanzanian Students

Habari News Tanzania

Deadline- June 15, 2012

Countries/Region- Tanzania

Monbukagakusho (The Ministry of Education, Culture, Sports, Science and Technology, Government of Japan) offers 3 types of scholarships to study at Japanese schools commencing in the 2013 Japanese academic year (starting in April and/or September/October).

•  Research Students

1. 2 Years (including 6 months of Japanese language training), extendable with permission from MEXT
2. Applicant must have been born on or after 2 April 1978
3.  Applicant must have graduated from undergraduate studies

• Undergraduate Students

1. 5 Years (including 1 year of Japanese language training) or 4 Years (without Japanese language training), 7 Years for medicine, dentistry, veterinary medicine or 6 Years for pharmacy (including 1 year of Japanese language training)
2. Applicant must have been born between 2 April 1991 and 1 April 1996
3. Applicant must have graduated from A Level Secondary School by March 2013

• Specialized Training College Students

1. 3 Years (including 1 year of Japanese language training)
2. Applicant must have been born between 2 April 1991 and 1 April 1996
3. Applicant must have graduated from A Level Secondary School by March 2013

The Embassy of Japan in Tanzania is responsible for coordinating this government sponsored programme in Tanzania.

Source Link: http://www.fundsforngos.org/tanzania/japanese-government-scholarships-tanzanian-students/#ixzz1tjPPC3Bn